Ibitero bishinjwa inyeshyamba za AFC/M23 n’indi mitwe yitwaje intwaro, byahitanye abaturage benshi muri teritwari ya Rutshuru, Intara ya Kivu y’Amajyaruguru, bikomeje guteza impaka no gutera inkeke mu gihugu no hanze yacyo, nk’uko byatangajwe n’Ibiro by’Umuryango w’Abibumbye bishinzwe Uburenganzira bwa Muntu (OHCHR).
Ubumwe bw’Uburayi (EU) bwamaganye ikwiyongera kw’ibitero bigamije kwica abaturage, busaba ko hakorwa iperereza rigamije gusobanura neza uko byagenze. EU yibukije ko ari ngombwa kurinda ubuzima bw’abasivili, isaba impande zose kwiyemeza kuzuza neza amasezerano yo kugarura amahoro.
“EU irakajwe cyane no kumva ko habaye kwicwa kw’abantu benshi barimo n’abana, bikorwa n’inyeshyamba za M23 muri Kivu y’Amajyaruguru, kandi isaba ko habaho isesengura ryimbitse. Ahantu hose M23 ifite mu maboko hagomba gufungurirwa inzego z’iperereza, kandi abaturage bagahabwa uburinzi budakumirwa. EU irasaba impande zose gukomeza kuba inyangamugayo mu rugendo rwo kugarura amahoro,” itangazo rya EU.
Mu kwezi kwa Nyakanga, amwe mu makuru yemejwe n’inzego zitandukanye zavuzwe na ACTUALITE.CD, yavugaga ko inyeshyamba za AFC/M23 zifashijwe n’ingabo za Leta y’u Rwanda zakoraga ibikorwa bya gisirikare mu gace ka Binza, muri Rutshuru, zigamije kurwanya abarwanyi ba FDLR. Ibitero byibanze ku muhanda wa Kiseguru-Nyamilima, muri Bwisha, hafi ya Pariki ya Virunga. Abaturage benshi bavuye mu byabo barahunga, barimo abo mu midugudu ya Nyabanira, Kasave, Makoka n’ahandi, bamwe berekeza i Kisharo, Nyamilima na Kiwanja, abandi bahungira mu gace ka Busanza, mu duce twa Kakondo na Shinda.
N’ubwo raporo ya UNJHRO yemeza ko mu kwezi kwa Nyakanga habaye iyicwa ry’abaturage barenga 300 muri Rutshuru, ibiro bya AFC/M23 byamaganye aya makuru. Iyo raporo yemejwe kandi n’Ibiro by’Umuyobozi Mukuru w’Umuryango w’Abibumbye ushinzwe Uburenganzira bwa Muntu, i Geneva.
Ku wa Kane tariki ya 7 Kanama 2025 i Goma, Bertrand Bisimwa, umuyobozi wa AFC/M33, yavuze ko iyo raporo “itagaragaza ukuri,” ayita uburyo bwo “guharabika” umutwe wabo bukoreshwa n’abafatanyabikorwa b’imiryango mpuzamahanga n’abanyapolitiki bafite inyungu zabo.