Nijeriya yinjije miliyari $3.23 mu musaruro uturuka ku byoherezwa hanze bitari ibikomoka kuri peteroli mu mezi atandatu ya mbere ya 2025

Abashinzwe ubucuruzi muri Nijeriya batangaje ko mu mezi atandatu ya mbere y’umwaka wa 2025, iki gihugu cyinjiye miliyari 3.23 z’amadolari ya Amerika avuye mu byoherezwa hanze bidakomoka kuri peteroli.

Iyi mibare yashyizwe ahagaragara n’Ikigo cy’igihugu gishinzwe guteza imbere ibyoherezwa mu mahanga (NEPC), igaragaza ko umusaruro waturutse cyane cyane mu kohereza ibikomoka ku buhinzi, inganda n’ibindi bicuruzwa bitandukanye bifite isoko mpuzamahanga.

Ubuyobozi bwa NEPC bwavuze ko uyu musaruro ari ikimenyetso cy’uko ubukungu bwa Nijeriya butangiye kugenda bushingira ku bindi byiciro by’umusaruro, mu rwego rwo kugabanya icyizere gikabije igihugu cyari gifitiye peteroli.

Ibyoherezwa mu mahanga byazamuye cyane amafaranga yinjijwe birimo cocoa, amavuta y’ibikomoka ku bihingwa, ibinyampeke, ibicuruzwa bikomoka ku nganda n’ibyuma, ndetse n’ibikoresho by’ubwubatsi.

Abasesenguzi b’ubukungu bavuga ko gukomeza gushora imari mu buhinzi n’inganda bizafasha Nijeriya gukomeza kuzamura umusaruro w’ibi byoherezwa hanze, bigatuma ubukungu bwayo budakomeza gutegereza gusa ibikomoka kuri peteroli.