Ikigo cya Amerika gishinzwe iperereza ku mpanuka z’ibinyabiziga n’indege cyatangaje ko ibinyamakuru bikomeje gutangaza amakuru y’ibihuha ku mpanuka ya Air India 171

Ikigo cy’Amerika gishinzwe iperereza ku mpanuka z’ibinyabiziga n’indege, National Transportation Safety Board (NTSB), cyatangaje ko ibinyamakuru bitandukanye byo ku isi biri gutanga amakuru atemewe kandi yihutirwa ku byateye impanuka y’indege ya Air India 171, yahitanye abantu 270.

Mu itangazo ryashyizwe ahagaragara ku wa gatanu, NTSB yavuze ko “amakuru akomeje gucicikana mu binyamakuru, avuga ku mpamvu nyirizina z’iri sanganya, ari uguhubuka no gusesereza urwego ruri gukora iperereza.”

Iyi mpanuka yabereye ku butaka bwa Leta Zunze Ubumwe za Amerika ikaba yarasize ingaruka zikomeye ku muryango mpuzamahanga w’indege. N’ubwo amakuru menshi akomeje gucicikana, NTSB yibukije itangazamakuru n’abaturage ko iperereza rigikomeje kandi ko nta cyemezo kiramara gutangwa ku mpamvu nyirizina y’iyi mpanuka.

> “Tuributsa itangazamakuru ko impanuka nk’izi zisaba igihe, ubushishozi n’ubufatanye bw’inzego nyinshi. Ibivugwa ubu ntibifite ishingiro mu byavuye mu iperereza ryacu,” niko NTSB yatangaje mu itangazo ryayo.

Nubwo hari impuha zishobora gukurura amarangamutima y’ababuze ababo, NTSB yasabye abaturage, cyane cyane imiryango y’abaguye muri iyi mpanuka, kugira ubutwari bwo gutegereza raporo yemewe izasohoka nyuma y’iperereza ryimbitse.

Iyi mpanuka ya Air India 171, imaze guhitana abantu 270, ikomeje gufatwa nk’ikintu gikomeye gishobora guhindura uburyo bwo kugenzura umutekano w’indege ku rwego rw’isi. NTSB iravuga ko izakomeza gusohora amakuru yemewe uko iperereza rizagenda ritera imbere.