Umuhanzi w’Umunyapolitiko wo muri Puerto Rico yegukanye igihembo nyamukuru cy’umuziki ku isi

Umuhanzi w’Umunyapolitiko wo muri Puerto Rico yegukanye igihembo nyamukuru cy’umuziki ku isi

Mu muhango ukomeye wo guhemba abahanzi ( Grammy awards)witabiriwe n’ibyamamare bikomeye ku rwego mpuzamahanga, umuhanzi wo muri Puerto Rico witwa bad bunny yanditse amateka mashya mu muziki wo ku isi, nyuma yo kwegukana igihembo nyamukuru cy’icyo gikorwa cyari gitegerejwe na benshi. Iyi ntsinzi yaturutse kuri alubumu ye ya gatandatu yise Debí Tirar Más Fotos, igikorwa cyuzuyemo amarangamutima n’ubuhanga budasanzwe, cyashimwe cyane n’abakurikiranira hafi umuziki n’abafana ku migabane itandukanye y’isi.

Iyi alubumu ifatwa nk’urugendo rwimbitse mu mateka n’imizi y’umuziki w’Abanya-Latini, aho umuhanzi yifashishije amajwi, indirimbo n’imiziririzo byagiye biranga ibisekuru bitandukanye. Mu ndirimbo zigize Debí Tirar Más Fotos, yumvikanisha inkuru z’urukundo, kwicuza, kwibuka no gushima aho akomoka, ibintu byatumye benshi biyumvamo, cyane cyane abamukurikira kuva yatangira urugendo rwe rw’ubuhanzi.

Igihembo yahawe cyabaye igitangaza kuri bamwe, kuko yari ahatanye n’abandi bahanzi bakomeye kandi bamaze kwigarurira imitima ya benshi ku isi, barimo Lady Gaga, Kendrick Lamar na Sabrina Carpenter. N’ubwo abo bahanzi bose bari bafite ibikorwa bikomeye byashimwe cyane muri uwo mwaka, abacamanza n’abategura ibi bihembo bagaragaje ko Debí Tirar Más Fotos yihariye ku buryo yarenze izindi mu bwiza bw’ubuhanzi, ubutumwa n’ingaruka yagize ku muco wa muzika.

Mu ijambo rye ry’ishimwe, uyu muhanzi yashimiye cyane igihugu cye cya Puerto Rico, avuga ko ari yo nkomoko y’ihumure n’ihumure ry’ubuhanzi bwe. Yashimiye kandi abafana be bamushyigikiye kuva kera, avuga ko iyi ntsinzi atari iye wenyine, ahubwo ari iy’abahanzi bose b’Abanya-Latini baharanira ko umuco wabo wumvikana kandi wubahwe ku rwego mpuzamahanga.

Abasesenguzi b’umuziki bagaragaje ko iyi ntsinzi ishobora kuba intambwe ikomeye mu guhindura uko umuziki w’indimi zitari Icyongereza wubahirizwa ku rwego rw’isi. Bavuga ko gutsinda igihembo nk’iki bigaragaza ko umuziki ushingiye ku muco n’amateka yihariye ushobora kugera ku bantu benshi, hatitawe ku rurimi cyangwa aho ukomoka.

Muri rusange, Debí Tirar Más Fotos ntifatwa gusa nk’alubumu isanzwe, ahubwo ifatwa nk’inyandiko y’amateka y’umuziki w’Abanya-Latini, igikorwa kizakomeza kwibukwa no kwigwaho n’abakunzi b’umuziki mu myaka myinshi iri imbere. Iyi ntsinzi ikaba ishimangira ko umuhanzi wo muri Puerto Rico akomeje kwiyubakira izina rikomeye, rikomeje guhindura isura y’umuziki wo ku isi.